Custa borta sa fortuna s’est firmada in Cuartu Sant’Aleni, gràtzias a Lotto Più, su giogu totu nou de su Lotto, chi at fatu arregistrai sa bìncida prus manna de ariseru in Itàlia. Unu fulanu at tentu una grandu sorti ca at giogau una schedina de cincu francis e at bintu 50.596 francus: est a nai su dòpiu de su chi iat a ai bintu cun su Lotto normali.
Su bincidori at giogau in s’arroda de Casteddu is nùmerus 13, 16, 36, 50, 84 e at fatu ses ambus, cuatru ternus e una cuaterna.
