Sigumenti ariseru ‘e noti iat ameletzau su babbu e sa mamma, narendi chi iat a ai postu fogu a is mòbili e a sa domu insoru, sa polima at postu is ferrus a un’òmini de trintòt’annus de Cuartu. A s’òmini, chi tenit probremas de droga, dd’ant cucau in su mentras fiat pròpiu ameletzendi is duus po circai de ddis fai tirai a fora su dinai.
Su de ariseru est sceti s’ùrtimu de una listra longa longa de acontèssius ogualis, poita ca àteras bortas giai s’òmini iat ameletzau su babbu e sa mamma po ddis furai su dinai po sa droga. A cantu si scit, in su mes”e idas colau, s’òmini at arropau su babbu de mala manera puru.
