Miali Carrus est su segretàriu torra de sa Cgil, ca dd’anti elìgiu me in su de trexi congressus apariciau in Casteddu su 25 e su 26 de martzu. S’òmini ulianesu tenit 47 annus e ghiat su sindacau de s’ìsula de su 17 de abrili de ocannu passau, a pustis sa dipartida de Entzu Costa. In s’atòbiu casteddaju sa Cgil sarda at prodùsiu documentus de importu mannu puru a ingìriu de sa democratzia paritària.
“Biveus tempus difitzilis medas, po custu depeus sighiri a gherrai, a batallai e a circai solutzionis de importu po agiudai is sardus e s’ìsula a adelantai” at nau su segretàriu chi at torrau gràtzias a totus is chi ant pigau parti a s’atòbiu e a is arrexonus.
