Is giorronalistas sardus si funt atobiaus po sutenni is collegas de Sardigna 1. Ddu anti fatu custu domìnigu in ocasioni de sa “Festa della stampa solidale” anche su tzilleri “I sette vizi” in Casteddu. Un’atòbiu cun mùsiga, spatàgulu e poesia po chistionai de s‘istadu de su giorronalismu in s’ìsula nostra.
Arroberta Celot, arresponsàbili de Ansa Sardegna e meri de sa festa, at nau: “Sardigna 1 depit donai su dinai arriciu de sa Regioni a is traballadoris chi ant pèrdiu su traballu”. Est a nai su dinai chi sa giunta arregionali bècia iat donau a sa televisioni po comporani bìdius de ponni in sa Digital Library.
