Mèrcuris su 19 de martzu nci at a essi su paru de is autobus in Casteddu. Su sciòperu ddu apariciant is sindacaus Filt-Cgil, Fit-Cisl, Uil-Trasporti, Ugl-Trasporti e Faisa-Cisal. Su Ctm, sa cumpangia de trasportu pùbricu de Casteddu, at fatu sciri chi su paru arreguardat is autistas po 24 oras, e su personali aministradivu e fissu po totu sa durada de su traballu. Comuncas, at a essi posta in essi sa “fàscia segura” de is 7.30 a is 9.30 de a mengianu; de is 12.45 a is 14.45, e de is 18.30 a is 20.30 de a merì.
Lòiri: sparèssiu un’òmini, cumentzat sa busca
Bainzu Làcana, unu pitzajolu de 35 annus de Lòiri, est sparèssiu e de sàbadu niscunu ndi scit prus…
