Custa cenàbura chi benit Luca Silvestrone at a essi in Casteddu torra po fueddai cun is aministradoris de sa tzitadi a pitzus de sa chistioni de su stàdiu e po fintzas de sa scuadra. Difatis, imoi chi sa sarvetza est cosa segura, su Casteddu depit pensai a su tempus benidori. A cantu parit at a lompi imparis a Dan Meis, s’architetu famau meda chi at fraigau (e est fraighendi) stàdius de importu in totu su mundu. Fortzis a pustis de cus’atòbiu nd’eus a sciri de prus a pitzus de sa truma amerigana interessada a su stàdiu e a sa scuadra de Casteddu.
Lòiri: sparèssiu un’òmini, cumentzat sa busca
Bainzu Làcana, unu pitzajolu de 35 annus de Lòiri, est sparèssiu e de sàbadu niscunu ndi scit prus…
