S’est biu in manu una gabella de Abbanoa de 53.456,86 francus nous. Unu machiori! Est sutzèdiu in Casteddu, aundi un’òmini giubiladu at arriciu custa “gabella maca”. Ma Abbanoa narat ca nou, ca no nc’est faddina: po issa s’òmini depit pagai sa gabella. Ma s’òmini at giai pagau totu e at puru amparau is arricidas. Aici at tzerriau de suncona s’abogau chi est andau a arrexonai cun s’azienda de s’àcua.
Is de Abbanoa ant betiu sa gabella a s’òmini in is primu diis de su mesi de martzu de ocannu po cunsumus – narat L’Unione Sarda – chi bandant de su 23 de su mesi de làmpadas 2007 a su 18 de gennàrgiu 2013: est a nai chi su tziu at cunsumau prus o mancu 62 mila litrus de àcua cada di’. Imoi at a essi sa giustìtzia a pigai sa detzisioni.
