Prus o mancu tremila turistus funt calaus de sa Silhouette, sa nai de cruxera de sa cumpangia Celebrity, arribada in su portu de Casteddu. Sa prus parti de is bagantzieris, prus o mancu duamila, funt ameriganus. Cun issus puru trexentu canadesus.
Custu est su primu arribu de is cruxeristus po su mesi de maju. A custu ndi ant a sighiri atrus cincus: cenàbura arribat sa Silver Cloud, su 17 sa Adventure of the Seas, su 20 sa Serenade of the Seas (amba duas de sa Royal Caribbean), su 27 sa Aegean Odissey.
