Ariseru in Casteddu, acanta unu de is ascensoris chi àrtziant a su bixinau de susu, un’òmini at aciocau a una fèmina. A custa ddi nanta Nicoletta Pirinu e tenit 43 annus.
Fiat torrendi a domu, in Casteddu de susu, candu un’òmini dd’at donau unu cropu a conca. Nisciunu at cumprèndiu su poita e ita arratza de cropu dd’apat donau.
“Apu intèndiu cumente una scàrriga lètriga e no apu cumprèndiu prus nudda. Apu biu sceti a unu, a ferpa e a cuguddu in conca, fuendi. No sciu nemancu cun ita m’at curpiu”.
Sa fèmina at pèrdiu su sentidu. Candu dd’est torrau, at biu arrogus de imbirdi a ingìriu de issa. Est lòmpia fintzas a s’atru ascensori e at ispintu su butoni po tzerriai agitòriu, ma no est arribau nisciunu. Duncas est torrada a domu e at tzerriau sa polima. Dd’ant arrecoverada a su spidali de is Mirrionis aundi dd’ant agatau unu tràuma crànigu.
Oi sa denùntzia a is carabineris chi ant a donai unu càstiu a is telecàmeras de seguresa po circai de cumprendi chini est s’aciocadori.
