Custu mengianu is traballadoris de s’Igea, sa sociedadi arregionali po is minas, si funt atobiaus, a cumentzai de is seti e mesu, faci a sa geca manna chi serrat s’intrada a sa mina de Campu Pisanu. Custu poita ca is istipèndius de gennàrgiu e friàrgiu no funt arribaus ancoras.
“Seus in pensamentu po su prus po is famìllias chi no tenint dinai” at nau Giuanni Pàulu Delrio Cgil Surcis. Imoi totus abetant s’atòbiu chi ant fai custa giòbia in Casteddu imparis a su Prefetu po chistionai de custa situatzioni lègia e disisperada, e po circai de arrangiai sa cosa.
