Sa solidariedadi po is patiotus bènedus arribat de Sardigna Natzione Indipendèntzia puru. A issus che a is sardus, totus personis chi ant impreau is ainas demogràticas po si chesciai e adelantai is bideas polìticas insoru, e po custu ddus ant arrestaus.
Custu s’arrexonu de Bustianu Cumpostu, su meri de Sardigna Natzione, su partidu polìtigu sardu chi de diora gherrat po s’indipendèntzia de s’ìsula.
“Su bentu de sa libertadi sulat in Bènedu puru, che in Scòtzia, Catalùnnia, Sardìnnia, e in totu is atras natzionis chentza de istadu. Bentu chi Sardigna Natzione circat de fai sulai sempri prus forti, pighendi parti a is atòbius de is pòpulus chi bolint essi lìberus. Ca custu est un’arrexonu de importu po s’Europa e depit essi arresortu. E sigumenti s’Europa ascurtat sceti is istadus e is capitalis, tocat a si fai intendi, artziendi sa boxi”.
Fueddus de importu puru po Doddore Meloni e po totus is indipendentistas sardus chi gherrant po s’indipendentismu.
