Su movimentu de is cincu isteddus at presentau una “motzioni po bogai sa crètida” a su gubernu de Mateu Renzi. Is grichinus pedint a su meri de is ministrus de ndi bogai a Frantzisca Barràcciu de sa truma de is sutasegretàrius. Custu poita ca sa sutasegretària a sa cultura est in tribulia cun sa giustìtzia po s’acontèssiu de su dinai de su partidu demogràtigu impreau mali.
“Ddu faeus – at nau Emanuela Corda – po totu sa genti onesta. Is chi funt indagaus no podint tenni incàrrigus de importu. Po custu pedeus a su gubernu una cosa chi, in unu paisu tzivili, iat a depi essi una cosa normali”.
