S’arregorta de is contus arregortus in s’Otoxentu de is fradis Grimm est su libru litrònigu po su Kindle prus bèndiu in sa butega de eBook de Amazon. E no podiat essi de nisciun’atra manera, poita ca cust’arregorta de contàscias est una sienda po totu su mundu: Cuguddeddu arrùbiu, Hansel e Gretel, Biancunì, Cinixedda, Poddixeddu, e àteras puru.
Sighit sa crassìfiga s’arregorta de contus de fochili de s’Irlanda, sa chi dd’at curada William Butler Yeats, su poeta famau. Unu eBook aundi s’agatant is contus irlandesus prus de importu, aundi funt protagonistus sa “gentixedda”, is gianas, e totus is criaduras de su connotu culturali de s’Eire.
A sa de tres positzionis nc’est s’arregorta de is contus chi totus connosceus cumenti sa de Is milli e unu noti, est a nai is contus stravanaus de s’Orienti, contaus de Sharazàd: Alì Babà e is coranta furonis; Aladinu a làmpara e a tapissu; Sindbàd su marineri.
A palas de custa nc’est s’arregorta de contos de fochile arregortus de Gràssia Deledda: Fiabe e leggende sarde ddi nanta. De is “nurras” de su Corrasi a is contus de sa Gaddura, de is duennas de is casteddus sardus a is iscusòrgius prus stugiaus, custu eBook est unu biaxu bellu meda aintru de su connotu sardu prus sintzillu, sienda, che is atrus contus, de su mundu.
Progetu realizadu cun sa partetzipatzione de sa Regione Autonoma De Sardigna L.R. 26/97 subra sa limba e sa cultura sarda
