Un’atru stumbu lègiu meda est sutzèdiu is s’arruga stadali nùmeru 292, est a nai sa chi acàpiat Aristanis a sa Càralu Felixi, in su tretu de s’inscansada de Màssama, in sa chi ddi nant “Bintrada de Aristanis Nord”. Duas is automòbilis chi si funt istumbadas: una Chevrolet Matiz e una Renault Clio.
A cantu parit, sa Clio at pigau in prenu s’àtera màchina, chi fiat firma in mesu a s’arruga e chi nc’est stupada a foras, acabussada. A su ghiadori de sa Matiz, un’òmini de Crabas, dd’ant arricoverau in su Silugianodròxiu de su spidali ‘e Santu Martinu in Aristanis: su stadu de saludi cosa sua est lègiu meda e sa prònniosi est “allogada”. Mellus est andada a is passegerus de sa Clio, pobiddu e mulleri issus puru de Crabas, chi ant a sanai in una pariga de diis.
