At nau a is carabineris chi ddi iant furau su dinai in su mentras chi fiat andendi a giru cun sa bicicreta, in s’arruga Brianza, in Aristanis. Ma una fàula fiat: custu su chi is bàrdias ant bogau a pillu a pustis de sa busca insoru. A fai sa trassa, unu piciocu de 19 annus chi traballàt in unu tzilleri. Sa fàula dd’at contada poita ca iat pèrdiu su dinai, 200 francus nous, gioghendi cun is machinetas de su bìdiu-poker e no ddu boliat nai a su babu e a sa mama.
Lòiri: sparèssiu un’òmini, cumentzat sa busca
Bainzu Làcana, unu pitzajolu de 35 annus de Lòiri, est sparèssiu e de sàbadu niscunu ndi scit prus…
