Ariseru ‘e noti me in s’arruga de Amsicora in Aristanis is carabineris ant firmau un’automòbili chi andàt lestra meda. Candu is sordaus ant pediu a su ghiadori de sulai aintru de s’etilòmetru, s’òmini s’est postu a tzerriai, a nai fueddus malus e at cumentzau a nd’arropai is giustinus, imparis a s’amigu chi ddi setzìat acanta.
Is de su centudoxi ant dèpiu tzerriai agitòriu ca a fai pasiai is duus òminis pròpiu no faiat. Di aici, a su ghiadori imbriagu e a s’atru ddus ant betius in caserma. Imoi depint torrai contu de arropu cuntra is fortzas de s’òrdini. A su primu dd’ant acusau de ghia in “stadu de imbriaghera” e dd’ant cassau sentz”e sa patenti puru.
Càralu Mulas
