Su Casteddu at a chistionai s’ameriganu. Est a nai chi sa truma de imprendidoris chi bolint comporai sa scuadra est bènnia in tzitadi po chistionai cun su sìndigu a pitzus de su stàdiu nou. “Un’arrexonu bonu e profetosu – ant fatu sciri is de su comunu de Casteddu – ma imoi tocat a fueddai de is chistionis tènnicas”.
Su de oi no est stètiu su primu atòbiu e no at a essi s’ùrtimu. Ma de ita anti chistionau su sìndigu e is ameriganus? Duncas, anti fueddau de su progetu de su comunu po amellorai totu su logu aundi s’agatat su stàdiu. Ca su Sant’Elia fait parti de unu progetu prus mannu paris a sa passillada oru ‘e mari, su portixeddu e atras cosas ancoras: unu disìnniu obertu puru a is bideas de is chi (fortzis) ant a essi is meris nous de su Casteddu.
Càralu Mulas
