S’educatzione tzìvica torrat in iscola pro una comunidade responsàbile

De ocannu s’educatzione tzìvica torrat a intrare in classe, siat in s’iscola primària chi in sa segundària. Sa reforma, aprovada de su Guvernu Conte, est intrada in vigore de su primu de cabudanni, obrighende is iscolas a una organizadura noa ca s’insegnamentu recheret una pianificatzione de is oras de traballu e su sceberu de is dotzentes a intro de sa programmatzione traditzionale.

Sa lege (inoghe faghet a dda lèghere https://www.gazzettaufficiale.it/eli/id/2019/08/21/19G00105/sg) torrat a istabilire s’insegnamentu de s’educatzione tzìvica in is iscolas de ogni òrdine e gradu: primària, segundària de primu gradu e segundària de segundu gradu. Sa reforma previdet fintzas fainas in s’iscola de sa pitzinnia pro fàghere crèschere, giai de cussa edade, sentidos e sensibilidade cara a sa tzitadinàntzia responsàbile.

Su 22 de làmpadas de su 2020, su Ministeru de s’Istrutzione Pùblica at pregonadu unu Decretu Ministeriale cun is indicos pro s’imparu de s’educatzione tzìvica, mescamente pro su chi pertocat is argumentos, sa metodologia pro imparare sa matèria e nde tènnere contu pro s’avaloramentu de is dischentes a s’acabbu de s’annu iscolàsticu.

Pro primu cosa tocat a nàrrere chi s’insegnamenentu dd’ant a fàghere durante is oras de cussas matèrias chi cun s’educatzione tzìvica tenent una carchi relata comente stòria, italianu, geografia, filosofia e deretu, asumancu pro 33 oras a s’annu. S’annanghida de custa disciplina at a cumportare sa netzessidade de mudare su Ptof (Pranu de Tres annos de s’Oferta Formativa) e non ddoe at a èssere unu dotzente solu ma una truma de riferimentu, cun unu moderadore a dda ghiare. Custu nessi pro cantu riguardat s’iscola primària e sa segundària de primu gradu.

In sa segundària de segundu gradu, imbetzes, est prevìdidu chi sa matèria bèngiat afidada a is dotzentes de disciplinas giurìdicas e econòmicas, si presentes in s’istìtutu. S’educatzione tzìvica at a èssere una matèria curriculare e tando at a tènnere unu votu suo in pazella e a ddu propònnere at a èssere su moderadore de sa truma de dotzentes chi si nde ocupant in s’annu iscolàsticu. Is argumentos de istùdiu tocat a ddos isvilupare subra tres nùcleos de importu, est a nàrrere: Sa Costitutzione: pro cumprèndere su significu e sa pràtiga fitiana de su detau costitutzionale, cun informatziones curretas subra s’ordinamentu de su Stadu, de is Regiones, de is Entes territoriales e de is organizatziones internatzionales.

S’Isvilupu Sostenibile: cun riferimentu craru a s’Agenda 2030 e a is tareas suas, chi non pertocant petzi temas ambientales ma chistiones comente a is deretos fundamentales de is personas (salude, imparu, traballu, etc) e sa tutela de is benes chi rapresentant su patrimòniu colletivu de is comunidades.

Sa Tzitadinàntzia Digitale: pro donare o afortiare sa capatzidade de leare parte a sa sotziedade in lìnia. Comente a ogni atore de una sotziedade, su tzitadinu digitale est portadore de deretos e doveres, relativos puru a s’impreu de is servìtzios de s’amministratzione digitale.

Sa spera est chi is iscolas siant capassas de s’imbentare, pro su bene de is generatziones noas, unu servìtziu culturale e formativu profetosu e de assigurare s’isvilupu de una cuscèntzia e de unu sentidu tzìvicu cuncretos pro mèdiu de una cultura de su respetu, de sa democratzia, de sa partetzipatzione in sa chirca de su bene comunu.

Manuela Ennas

Diventa anche tu sostenitore di SardiniaPost.it

Care lettrici e cari lettori,
Sardinia Post è sempre stato un giornale gratuito. E lo sarà anche in futuro. Non smetteremo di raccontare quello che gli altri non dicono e non scrivono. E lo faremo sempre sette giorni su sette, nella maniera più accurata possibile. Oggi più che mai il vostro supporto è prezioso per garantire un giornalismo di qualità, di inchiesta e di denuncia. Un giornalismo libero da censure.

Per ricevere gli aggiornamenti di Sardiniapost nella tua casella di posta inserisci la tua e-mail nel box qui sotto:

Related Posts
Total
0
Share