Cun Lapis torrat su sardu in is pàginas de Sardiniapost

A pustis de una bella pariga de annus torrat su sardu in is pàginas de Sardiniapost. De oi difatis incarrerat Lapis, una faina noa de giornalismu totu in sardu. No est fàtzili a scriri in sardu, prus pagu a scriri aìnturu de unu setori chei custu. Oi su mundu de is mèdius massivus mudat de sighida e s’informatzioni no lompit sceti de is canalis traditzionalis de comunicatzioni ma peri is retzas sotzialis e po mori de fainas digitalis. Est pretzisu duncas a sighiri s’àndala de custa sotziedadi e impreai fintzas su sardu po dda contai, donendi unu servìtziu de informatzioni in lìnia, is s’arrispetu de is leis -natzionalis e regionalis- chi amparant is lìnguas de minoria. Lapis, asumancu duas bortas a sa cida, at a contai novas chi pertocant sa cultura, sa mùsica, su sport, su spetàculu, sa polìtica, sa sotziedadi, s’ambienti, sa scièntzia, circhendi de fai imbucai in is domus s’idei chi in sardu si potzat e si depat scriri de totu, sendi su sardu una lìngua chi tenit sa matessi dignidadi de is àteras e chi est bona po fai unu giornalismu sèriu e fungudu. Nci funt stètius in passau e nci funt oi puru esèmpius de giornalismu in sardu chi lassant arrastus de importu, ma seus ancora atesu de una comunicatzioni in sardu chi assegurit un’informatzioni dònnia dì. Su tretu po ddoi podi lompi est ancora longu e, a nai sa beridadi, a bortas parit unu bisu. No est po debadas chi sa dibata a pitzus de su sardu est sèmpiri aberta, pruschetotu po comenti tocat scritu, imparau a is pipius in scola e po cumprendi ita iat a serbiri po ddu sarvai de s’arriscu chi sparessat. Lapis at a circai de essi de agiudu in custa dibata, arrexonendi cun is sardus, sperimentendi e tenendi contu de is arresurtaus, cun sa spera de biri su sardu manixau comenti si spetat in dònnia setori e sa punna de fraigai unu bilinguismu berdaderu in sa sotziedadi sarda.

Manuela Ennas

Diventa anche tu sostenitore di SardiniaPost.it

Care lettrici e cari lettori,
Sardinia Post è sempre stato un giornale gratuito. E lo sarà anche in futuro. Non smetteremo di raccontare quello che gli altri non dicono e non scrivono. E lo faremo sempre sette giorni su sette, nella maniera più accurata possibile. Oggi più che mai il vostro supporto è prezioso per garantire un giornalismo di qualità, di inchiesta e di denuncia. Un giornalismo libero da censure.

Per ricevere gli aggiornamenti di Sardiniapost nella tua casella di posta inserisci la tua e-mail nel box qui sotto:

Related Posts
Total
0
Share