Banderas Asulas 2021: chi intrat e chi bessit de sa lista

Est lòmpiu a sa de 35 editzionis su programma de sa Foundation for environmental education (Fundatzioni po s’Educatzioni Ambientali) chi prèmiat is comunus de logu de mari e de lacu cun is àcuas prus lìmpias, cun s’arrispetu prus mannu po s’ambienti e is servìtzius de calidadi po is turistas. Ocannu àrtziant a 201, de 195 chi fiant s’annu passau, is localidadis premiadas: 6 Banderas in prus de su 2020, ca nci ndi funt 15 noas ma fintzas 9 chi no ant torrau a cunfirmau e chi perdint s’arreconnoscimentu po su 2021.

Po prima si cunfirmat sa Ligùria sèmpiri cun 32 localidadis, in segunda positzioni sa Campània cun 19 Banderas (cun un’intrada noa ma una bessida) chi passat a innantis de sa Toscana lassendidda in sa de tres positzioni (cun tres bessidas) pari-pari cun sa Pùglia chi guadàngiat duas banderas (tres intradas noas e una bessida). Funt 416 in totu ocannu (407 fiant in su 2020) is marinas cun àcuas spantosas, chi currispondint a su 10% de is lidus premiaus a livellu mundiale. S’arreconnoscimentu dd’assìnniant sighendi critèrius pretzisus: in prus de su mari arresurtau de primori in is ùrtimus cuàturu annus, contat puru su gradu depuratzioni de is àcuas de scolu e de is canalis , cantu scerant s’àliga po materiali, is àreas pedonalis mannas, is pistas po andai in bitzicleta, su decoru urbanu e is àreas birdis.

Aìnturu de custus critèrius de valutatzioni po otenni custu“sigillu de calidadi” donau de una Giuria natzionali innui ddoi funt fintzas is Ministerus de sa Transitzioni ecològica, de is Polìticas oi sa laurera e po su Turismu, pigant in consìderu puru is struturas po acasagiai is turistas, is servìtzius de utilidadi pùblica sanitària, is informatzionis turìsticas, sa sinnalètica agiornada e s’educatzioni ambientali. E duncas, candu mancat pagu diaderus pagu a s’istadi, est arribada sa lista de is localidadis de sa costera onoradas de sa Bandera Asula. Sa nova dd’at donada s’Ong internatzionali in su mentris de una cunferèntzia de imprenta in su web.

In Sardìnnia funt catodixi is banderas Asulas, sìmbulu no sceti de de plajas e àcuas lìmpias, ma fintzas de servìtzius de calidadi po acolli is turistas .De custus logus meda funt cunfirmas ma ddoi est puru una’intrada noa, sa de L’Aglientu, e una bessida, sa deTeulada. Sa Sardìnnia cun is banderas suas est in sa de sete positzioni. De custas banderas sa majoria ddas agataus mescamenti in cabu de susu ma dònnia provìntzia ndi tenit assumancu una de podi bantai. Movendi de cabu de bàsciu eus a biri bentulendi sa bandera in Cuartu Sant’Aleni e in Sant’Antiogu. Artziendi unu pagu dd’eus a biri in Barì e Tortolì, po s’Ollastra. In sa provìntzia de Aristanis sa bandera est tocada a Turri Manna. In Gaddura s’arreconnoscimentu dd’ant doanu a Badesi. In sa provìntzia de Tàtari ndi ddoi at medas, in Santu Franciscu di L’Aglientu, Lu Palau, Casteddu Sardu, Madalena, Lungoni, La Trinitai e Vignola.

Su prèmiu est tocau puru a dexi portus turìsticus: a Cala Gavetta in s’ìsula de Madalena, a su Portu turìsticu comunali de Palau, a Su Portu de Lungoni, a Portu Rotundu e a sa Marina de Portiscu in Terranoa, a sa Marina de s’Ursu de Poltu Quatu in Alzachena, a Poltu Celvu in Alzachena, a su Portu turìsticu de Casteddu Sardu. In sa provìntzia de Nùgoro, a sa Marina de Baunei e a Santa Maria Navarrese. In provìntzia de Casteddu a Marina di Capitana in Cuartu Sant’Aleni.
“Is portus ddus ant premiaus, comenti at narau sa Fundatzioni , ca ant ammostau chi sa portualidadi turìstica at afortiau e melliorau sceberus de sustenibilidadi assegurendi sa calidadi e sa cantidadi de is servìtzius ma sèmpiri cun arrispetu e amparu de s’ambienti” naturali.

Manuela Ennas

Atividade realizada cun su contributu de sa Regione Sardigna – IMPRENTAS 2020-2021.
LR 22/2018, art. 22
Attività realizzata col contributo della Regione Sardegna – IMPRENTAS 2020-2021.
LR 22/2018, art. 22

Diventa anche tu sostenitore di SardiniaPost.it

Care lettrici e cari lettori,
Sardinia Post è sempre stato un giornale gratuito. E lo sarà anche in futuro. Non smetteremo di raccontare quello che gli altri non dicono e non scrivono. E lo faremo sempre sette giorni su sette, nella maniera più accurata possibile. Oggi più che mai il vostro supporto è prezioso per garantire un giornalismo di qualità, di inchiesta e di denuncia. Un giornalismo libero da censure.

Per ricevere gli aggiornamenti di Sardiniapost nella tua casella di posta inserisci la tua e-mail nel box qui sotto:

Related Posts
Total
0
Share