Sa polima at arrestau in Casteddu a Màuru Atzori de 34 annus po possidèntzia de droga de bendi, bèndida a sa russa e fura; e ant denuntziau a duas fèminas, de 36 e de 30 annus, e a un’atru òmini de 24 annus po bèndida a sa russa.
A is cuatrus ddus ant firmaus in bia ‘e Cornàlias, ariseru a is cincu e mesu de a merì: is tres denuntziaus fiant aintru de una Lància Y, mentras s’arrestau fiat bessendi de un’apoteca: scruculliau, teniat cincu dosas de cocaina in sa cartera e atras otu in buca.
Is giustinus ant scruculliau sa màchina puru: aintru cosa furada. Po fintzas s’arroba furada a una truma de turistus chi fiant in Crabonaxa po is festas de Pasca Manna.
